امریکی اداکار جرمی میکلیلن نے پاک فوج کی خاطرداری کو سلام پیش کردیا

 امریکی اداکار جرمی میکلیلن نے پاک فوج کی خاطرداری کو سلام پیش کرتے ہوئے کہا کہ پاکستان کی قید میں موجود بھارتی فضائیہ کا کپتان لیجنڈری خاطر داری انجوائے کر رہا ہے۔ تفصیلات کے مطابق آج پاکستان نےبھارتی طیارے مار گرائے ہیں جب کہ تین پائلٹس کو زندہ پکڑا۔ بھارت کے قیدی پائلٹ کا اہم بیان سامنے آیاہے لیکن یہاں دلچسپ بات یہ ہے کہ بھارتی اہلکار کے ہاتھ میں چائے کا کپ نظر آیا اور انتہائی مطمئن نظر آیا جو کہ جنگی جنون میں مبتلا بھارت کے منہ پر تمانچے کے برابر ہے۔

ابھے نندن کا کہنا تھا کہ پاکستانی فوج کا رویہ انتہائی متاثر کن ہے ۔جنگی قیدی نے پاک فوج کا شکریہ ادا کیا۔ریکارڈ پر لانا چاہتا ہوں کہ میرا بہت خیال رکھا گیا ہے۔

اس نے مزید کہا کہ اگر میں بھارت واپس چلا گیا تو بھی میرا بیان تبدیل نہیں ہو گا۔ابھی نندن نے مزید کہا کہ ہماری فوج بھی پاک فوج کی طرح رویہ اختیار کرے۔اس نے مزید کہا کہ گرفتاری کے بعد مجھے بہترین طبی امداد دی گئی۔

پاک فوج کے افسران بہترین لوگ ہیں انہوں نے مجھے لوگوں کے ہجوم سے بھی بچایا۔بھارتی پائلٹ نے مزید کہا کہ میں اپنے بارے میں زیادہ نہیں بتایا سکتا،میران تعلق جنوبی بھارت سے ہے۔جب کہ اس سے قبل زخمی بھارتی پائلٹ کی ویڈیو بھی جاری کر دی گئی ہے۔ جس میں بھارتی پائلٹ کا کہنا ہے کہ میں بھارتی فضائیہ کا افسر ہوں۔ میں ایک فلائنگ پائلٹ ہوں۔ میرا نام ونگ کمانڈر ابھی نندن ہے۔

میرا سروس نمبر 27981 ہے ۔ میرامذہب ہندو ہے۔ بھارتی پائلٹ نے ویڈیو میں جب بھارتی کپتان سے مزید معلومات فراہم کرنے کا مطالبہ کیا تو اس نے آئی ایم سوری کہہ کر معذرت کر لی اور سوال کیاکہ کیا میں پاکستان آرمی کے ساتھ ہوں؟ بھارتی پائلٹ کی اس ویڈیو کو سوشل میڈیا پر کافی مقبولیت حاصل ہو رہی ہے۔