ترجمان پاک فوج نے صرف ایک بھارتی فوجی پاکستان کی حراست میں ہونے کی تصدیق کر دی

میجر جنرل آصف غفور کا کہنا ہے کہ پاکستان کی حراست میں اس صرف ایک بھارتی پائلٹ ہے، انسانی ہمدردی اور فوجی پروفیشنل ازم کے تحت  ابھی نندن کو بہترین طبی سہولیات فراہم کی جا رہی ہیں۔ تفصیلات کے مطابق ترجمان پاک فوج میجر جنرل آصف غفور کی جانب سے حراست میں لیے گئے بھارتی پائلٹ سے متعلق وضاحتی بیان جاری کیا گیا ہے۔

ترجمان پاک فوج نے بتایا ہے کہ پاکستان کی حراست میں اس وقت صرف ایک ہی بھارتیپائلٹ ہے۔ ترجمان پاک فوج نے بتایا ہے کہ بھارتی پائلٹ ابھی نندن پاک فوج کی حراست میں ہے۔ انسانی ہمدردی اور فوجی پروفیشنل ازم کے تحت  ابھی نندن کو بہترین طبی سہولیات فراہم کی جا رہی ہیں۔

دوسری جانب بھارت کے قیدی پائلٹ ابھی نندن کا پہلا بیان سامنے آ گیا۔

بھارتی اہلکار کے ہاتھ میں چائے کا کپ نظر آیا اور انتہائی مطمئن نظر آیا جو کہ جنگی جنون میں مبتلا بھارت کے منہ پر تمانچے کے برابر ہے۔ابھے نندن کا کہنا تھا کہ پاکستانی فوج کا رویہ انتہائی متاثر کن ہے ۔جنگی قیدی نے پاک فوج کا شکریہ ادا کیا۔ریکارڈ پر لانا چاہتا ہوں کہ میرا بہت خیال رکھا گیا ہے۔اس نے مزید کہا کہ اگر میں بھارت واپس چلا گیا تو بھی میرا بیان تبدیل نہیں ہو گا۔

ابھی نندن نے مزید کہا کہ ہماری فوج بھی پاک فوج کی طرح رویہ اختیار کرے۔اس نے مزید کہا کہ گرفتاری کے بعد مجھے بہترین طبی امداد دی گئی۔پاک فوج کے افسران بہترین لوگ ہیں انہوں نے مجھے لوگوں کے ہجوم سے بھی بچایا۔بھارتی پائلٹ نے مزید کہا کہ میں اپنے بارے میں زیادہ نہیں بتایا سکتا،میرا تعلق جنوبیبھارت سے ہے۔ جب کہ اس سے قبل زخمی بھارتی پائلٹ کی ویڈیو بھی جاری کر دی گئی ہے۔

جس میں بھارتی پائلٹ کا کہنا ہے کہ میں بھارتی فضائیہ کا افسر ہوں۔ میں ایک فلائنگ پائلٹ ہوں۔ میرا نام ونگ کمانڈر ابھی نندن ہے۔ میرا سروس نمبر 27981 ہے ۔ میرامذہب ہندو ہے۔ بھارتی پائلٹ نے ویڈیو میں جب بھارتی کپتان سے مزید معلومات فراہم کرنے کا مطالبہ کیا تو اس نے آئی ایم سوری کہہ کر معذرت کر لی اور سوال کیاکہ کیا میں پاکستان آرمی کے ساتھ ہوں؟ بھارتی پائلٹ کی اس ویڈیو کو سوشل میڈیا پر کافی مقبولیت حاصل ہو رہی ہے۔

واضح رہے آج پاکستان نےبھارت کے دو طیارے تباہ کر دئیے ہیں جس کے بعد ڈی جی آئی ایس پی آر اہم پریس کانفرنس کی۔پریس کانفرنس کرتے ہوئے ڈی جی آئی ایس پی آر میجر جنرل آصف غفور نے بتایا کہ پاکستان کی زمینی فورسز نے زندہ بچ جانے والے بھارتیپائلٹس کو حراست میں لے لیا ۔ ہم نے ان کے ساتھ ایک مہذب ملک کی طرح سلوک کیا ۔ ان میں سےایک پائلٹ زخمی تھے جنہیں طبی امداد کے لیے سی ایم ایچ منتقل کیا گیا جس کا پورا خیال رکھا جائے گا